საქართველო დღემდე ვერ ამოვიდა იმ უმძიმესი შიდადაპირისპირების უფსკრულიდან, რომელშიც გამსახურდიას ტრაგედიამ ჩაგვაგდო. თუ 30 წლის განმავლობაში მეორედ ჩავვარდებით იგივე უფსკრულში და ჩამოვყალიბდებით, როგორც საზოგადოება, სადაც საკუთარ არჩეულ პრეზიდენტებს კლავენ, ან მკვლელობამდე მიჰყავთ, ამ ქვეყანას არათუ ევროპული, ზოგადად, ცივილიზებული მომავალიც არ ექნება, – ამის შესახებ ოპოზიციონერმა დეპუტატმა, დავით ბაქრაძემ ჟურნალისტებს საქალაქო სასამართლოსთან განუცხადა. დავით ბაქრაძე იმედოვნებს, რომ ხელისუფლება და მოსამართლეც პასუხისმგებლობას გაიაზრებენ. “რა თქმა უნდა, საუბარია კონკრეტული ადამიანის სიცოცხლის გადარჩენაზე, მაგრამ მეორე მხრივ, აქ არ არის ერთ ადამიანზე საუბარი, საუბარია, თუ რა საზოგადოება ვართ ჩვენ, რა მომავალი აქვს ამ ქვეყანას. საქართველო დღემდე ვერ ამოვიდა იმ უმძიმესი შიდადაპირისპირების უფსკრულიდან, რომელშიც გამსახურდიას ტრაგედიამ ჩაგვაგდო. თუ 30 წლის განმავლობაში მეორედ ჩავვარდებით იგივე უფსკრულში და ჩამოვყალიბდებით, როგორც საზოგადოება, სადაც საკუთარ არჩეულ პრეზიდენტებს კლავენ, ან მკვლელობამდე მიჰყავთ, ამ ქვეყანას არათუ ევროპული, ზოგადად, ცივილიზებული მომავალიც არ ექნება. აქ, ადამიანის სიცოცხლეზეც არის საუბარი, მაგრამ ასევე საუბარია მომავალზე, თითოეული ჩვენგანის მომავალზე, როგორ ქვეყანაში ვიცხოვრებთ. ძალიან დიდი იმედი მაქვს, მოსამართლეც და ხელისუფლებაც ამ პასუხისმგებლობას გაიაზრებენ“, – აღნიშნა ბაქრაძემ....