თბილისის მერიამ უკრაინაში დაღუპული მებრძოლების ფოტოები აიღო პარლამენტის წინ 9 აპრილის მემორიალის მიმდებარე ტერიტორიიდან და დროებით გადაიტანა გმირთა მოედანზე, საქართველოს ტერიტორიული მთლიანობისთვის ბრძოლაში დაღუპულ გმირთა მემორიალთან. ეს ფოტოები პარლამენტთან განთავსებული იყო უკრაინის ომში პირველი ქართველების დაღუპვის დღიდან. მერიის განმარტებით, დაღუპულთა ფოტოების გადატანა ნაძვის ხის დადგმას და ტერიტორიის საახალწლოდ მოწყობას უკავშირდება. უკრაინაში დაღუპული მებრძოლების ფოტოები აღებულია თავისუფლების მოედნიდანაც, სადაც ისინი 8 დეკემბერს დაამაგრეს დროებით კონსტრუქციაზე. ასევე ნახეთ თავისუფლების მოედანზე აიღეს ჯებირები უკრაინაში დაღუპული მებრძოლების ფოტოებით "ახალ წელს ხვდებიან და ქალაქებს ნაძვის ხეებით რთავენ საომარ მდგომარეობაში მყოფ უკრაინაშიც კი. ამ ფონზე ცალკეული პოლიტიკოსების მცდელობა, თბილისელებს წაართვან ახალი წელი, ნაძვის ხეს შემოავლონ შავი ლენტები და დაღუპული მებრძოლების ფოტოსურათები განათავსონ სადღესასწაულო სივრცეში, არანაირ მორალურ ჩარჩოში არ ჯდება. აქედან გამომდინარე, თბილისის მერიამ მიიღო გადაწყვეტილება, უკრაინაში გარდაცვლილ მებრძოლთა ფოტოსურათები საქართველოს ერთიანობისთვის დაღუპულ გმირთა მემორიალთან გადაეტანა. ამით, პირველ რიგში, პატივს მივაგებთ დაღუპულთა ხსოვნას და თბილისელებსაც მიეცემათ ახალი წლის სათანადოდ აღნიშვნის შესაძლებლობა. ახალ წელს სიხარულით ელის ყველა, განსაკუთრებით პატარები. დედაქალაქის მთავარი ნაძვის ხე და რუსთაველის გამზირი უნდა იყოს ადგილი, სადაც ადამიანები ახალ წელს ბედნიერებას და სიხარულს დაიბედებენ", - ნათქვამია მერიის მიერ 9 დეკემბერს გავრცელებულ პრესრელიზში. გმირთა მოედანზე გადაიტანეს მხოლოდ პარლამენტის წინ განთავსებული ფოტოები. რაც შეეხება ფოტოებს, რომლებიც თავისუფლების მოედანზე იყო, როგორც რადიო თავისუფლებას უთხრეს თბილისის მერიაში, ისინი გარე სივრცეში შესაძლოა, დაზიანებულიყო, ამიტომ შენახულია და, სურვილის შემთხვევაში, იმ მოქალაქეებს გადასცემენ, ვინც ისინი დაბეჭდა საჯარო სივრცეში გამოსაფენად. "მშვიდობის ქალაქის" ბანერთან უკრაინაში დაღუპული მებრძოლების ფოტოები 8 დეკემბერს გაჩნდა, მოქალაქეებს იქ მიჰქონდათ ყვავილები და ჯებირებს აბამდნენ შავ და უკრაინის დროშის ფერების ლენტებს. три დღეს საღამოს, 8 საათზე დაგეგმილია საახალწლო ნაძვის ხისა და განათებების ანთება და საზეიმო კონცერტი რუსთაველის გამზირზე. პარალელურად მოქალაქეები აპირებენ გამართონ აქცია, რათა გააპროტესტონ თბილისის საახალწლო სლოგანად "მშვიდობის ქალაქის" არჩევა - საზოგადოების ნაწილი მიიჩნევს, რომ უკრაინაში ომის ფონზე ამგვარი სლოგანი არაეთიკურია. ასევე ნახეთ თბილისის მერი: ნაძვის ხის ანთების შემდეგ კონცერტი გა...