გერმანიის საგარეო საქმეთა მინისტრი ანალენა ბერბოკი 25 მარტს კვლავ მიემგზავრება ახლო აღმოსავლეთის რეგიონში, ღაზის სექტორში მშვიდობიანი მოსახლეობის მდგომარეობის გამო მოსალაპარაკებლად. თავიდან ის ჩადის ეგვიპტეში, სადაც დაგეგმილი აქვს შეხვედრა თავის კოლეგა სამეჰ შუკრისთან. შემდეგ ბერბოკი მიემგზავრება ისრაელში და ასევე ეწვევა პალესტინელთა ოკუპირებულ ტერიტორიას, იორდანეს დასავლეთ ნაპირს. გამგზავრებამდე ბერბოკმა განაცხადა, რომ მხოლოდ ცეცხლის ჰუმანიტარული მიზნით დაუყოვნებლივ შეწყვეტა შეგვინარჩუნებს მშვიდობის იმედს. ეს გერმანიის საგარეო უწყების ხელმძღვანელის მეექვსე ვიზიტია რეგიონში მას შემდეგ, რაც ოქტომბრის დასაწყისში აშშ-სა და ევროკავშირში ტერორისტულად გამოცხადებული ჰამასი ისრაელს დაესხა თავს. ისრაელის თავდაცვის მინისტრი იოავ გალანტი 25 მარტს ვაშინგტონში ჩადის და შეხვდება თავის კოლეგა ლოიდ ოსტინს, ასევე აშშ-ის სახელმწიფო მდივან ენტონი ბლინკენს. სავარაუდოდ, შეხვედრების თემა, პირველ რიგში, იქნება ისრაელის სამხედრო მოქმედებები ღაზის სექტორში. ასევე ნახეთ გაეროს უშიშროების საბჭომ ვერ მიიღო ღაზაში ცეცხლის შეწყვეტის შესახებ აშშ-ის მიერ მომზადებული რეზოლუცია ...